Frétt af mbl.is

Ehud Olmert, – forsætisráðherra Ísraels, segist vonast til þess að morðið á iðnaðarráðherra Líbanons, Pierre Gemayel, í Beirút í gær muni ekki valda óstöðugleika í Miðausturlöndum.

Olmert lét ummælin falla er hann ræddi við Romano Prodi, forsætisráðherra Ítalíu, í síma í gær að sögn talsmanns Olmerts.

Prodi og Olmert samþykktu að hittast innan fárra vikna, en ekki liggur fyrir hvenær eða hvar sá fundur muni verða haldinn.

„Átökin halda áfram í Líbanon og Ísrael tekur ekki þátt í þeim,“ sagði Shimon Peres, aðstoðarforsætisráðherra Ísraels, í viðtali við ísraelska ríkisútvarpið.

„Þetta eru átök milli Hizbollah, sem vill sjá íranskt Líbanon, og meirihluta Líbana, sem vilja sjálfstætt Líbanon [...] Við verðum að fylgjast náið með ástandinu,“ bætti hann við.

Athugasemdir

[Guðmundur Hreiðarsson, 22.11.2006 kl. 09:44]

nú er ég að – skrifa – og kann bersýnilega ekki að nota þankastrik.